“冰雪奇缘主题零售站”圣诞降临西城都荟(图)

12月5日，“冰雪奇缘主题零售站”首登广州，艾莎女王带领一众《冰雪奇缘》小伙伴12月5日至明年1月18日和你相约西城都荟。12月5日揭幕仪式上，艾莎女王、安娜公主、雪宝、石精灵等《冰雪奇缘》中的角色一一现身，吸引小朋友兴奋合影。圣诞将至，西城都荟也送出圣诞福利，12月开始，每个星期六、日，都会有圣诞老人以及圣诞女郎巡游，并为大家派发圣诞礼物。而整个12月期间，西城都荟也将推出丰富多彩的活动，要你好玩好看。

1、冰雪奇缘主题零售站

活动时间：2015年12月5日至2016年1月18日

活动地点：西城都荟中庭广场、负一北通道

顾客唔止可以喺零售站呢度淘到可爱有趣嘅小物品，仲有《冰雪奇缘》周边以及公主系列正版精品，每个人肯定都可以喺度重拾自己嘅童年乐趣。

零售站仲会重现《冰雪奇缘》电影中美轮美奂嘅冰雪世界，同艾莎女王、安娜公主、雪宝同石精灵一齐快乐玩耍，还原真实唯美嘅电影场景，实会吓你一跳。

话明同大家一齐过圣诞，肯定唔少得主角之一嘅圣诞树啦。西城都荟仲会有一棵巨大嘅雪宝圣诞树，经过别出心裁嘅装扮，得意又有心思，今个冬天，同雪宝一齐过冰雪圣诞啦！

　2、迪士尼英语主题活动

活动时间：12月逢周六日

活动地点：中庭广场及负一公区

除咗《冰雪奇缘》一众主角，西城都荟仲邀请到迪士尼英语会员，现场教大家唱电影主题曲《Let It Go》！买咗Elsa同Anna公主装嘅小朋友，以为过咗今年万圣节就要放入衣柜等明年？唔使担心，只要你参加西城都荟迪士尼英语嘅冰雪奇缘cat walk show，D靓衫就又有机会出来show一show啦。

学完歌仔，梗係到游戏时间啦。迪士尼英语嘅外籍培训导师仲为大家准备咗精彩嘅冰雪奇缘游戏。冰雪奇缘拼图比赛、冰雪奇缘卡拉OK比赛、冰雪奇缘小手工、冰雪寻宝游戏等，每周都有玩唔完嘅游戏，攞唔晒嘅礼物等住你！

3、圣诞老人女郎巡游

活动时间：2015年12月逢周六日

活动地点：南广场

虽然未到圣诞，但係西城都荟已经好有圣诞气氛啦，皆因从12月开始，每个星期六、日，呢度都会有圣诞老人以及圣诞女郎巡游，并为大家派发礼物噶！想收到圣诞老人嘅礼物，快D嚟啦！

4、圣诞祝福微信墙互动

活动时间：2015年12月逢周六日

活动地点：南广场

圣诞除咗寄card片、发短信，仲有乜嘢祝福方式？嚟西城都荟参加《冰雪圣诞？把祝福说出来》微信墙活动啦，只要参与西城都荟现场活动，就可以喺南广场200㎡LED大屏幕上，喺万人面前讲出你嘅圣诞表白，够晒震撼同霸气！

5、可口可乐Poler Bear活动

活动时间：2015年12月

活动地点：南门入口

可口可乐就饮得多，可口可乐Poler Bear大家又见过未？听讲呢只Poler Bear好大只好萌噶，今次佢都嚟到西城都荟啦！除咗Poler Bear自己到场之外，佢仲带埋最钟意饮嘅可口可乐一齐嚟，喺现场摆设可口可乐主题商品售卖店，顾客可以喺度拍照留念噶。

　6、周大福Hello Kitty主题展

活动时间：2015年12月

活动地点：北门入口

Kitty控注意啦！12月，喺西城都荟，将会有一大波hello kitty粉萌来袭，可爱到不要不要的！届时西城都荟现场会联合周大福放置足金组景，并设主题商品售卖店、宠爱小屋，各位可以喺度选购礼品以及同心爱嘅kitty合照！

　7、圣诞平安夜倒数派对

活动时间：12月24日

活动地点：南广场

平安夜当然要人多才有气氛，如果可以同埋迪士尼一众卡通人物一齐过，更加有气氛啊！西城都荟12月24日会举办平安夜倒数大派对，现场会设有游戏摊位及穿插各类圣诞特色表演，圣诞气氛爆棚。

分享文章到: